EFSAk gidaliburu bat argitaratu berri du, non zehatz-mehatz azaltzen baitu arriskuen ebaluazioarekin lotutako zalantzak nola karakterizatu, dokumentatu eta komunikatu behar diren, ebaluazio-txostenetan beharrezko informazio osoa eman dadin arriskuak kudeatzean erabakiak hartzeko.

Zalantzen analisia arrisku-ebaluazioaren parte bat da, eta aurkitutako zalantza-iturriak eta zalantzek ebaluazioaren azken ondorioetan dituzten eraginak zehatz adierazi behar dira zientzia-irizpenetan, argi eta garbi, ahalik eta modu gardenenean.

Arrisku-ebaluazio bakoitzaren ezaugarriak eta testuingurua zein diren, eta detektatutako zalantza mailaren arabera, zalantzen analisia izugarri alda daiteke. Hori dela eta, EFSAk gidaliburu hau osatu du, arrisku-ebaluatzaileei zalantzak aztertzen laguntze aldera.

Gidaliburuan zehatz-mehatz adierazten da nola identifikatu eta lehenetsi behar diren zalantzak, nola karakterizatu behar diren eta nola jaso behar diren azken txostenean (kualitatiboki edo kuantitatiboki jaso daitezke).

Guidance on Uncertainty Analysis in Scientific Assessments – EFSA 2018