Arriskuen Analisia Euskadin

Honako hauek dira Euskal Autonomia Erkidegoan arriskuen analisia egiteko sortutako egiturak:

Administrazio ezberdinei aholkuak emateko eta euskal elikakateari eragin diezaiokeen edozein arriskuren inguruko informazioa eta datuak partekatzeko sortu zen, bereziki, giza osasunean, animalien osasun eta ongizatean, landareen osasunean eta ingurunean eragin dezaketenen ingurukoak.

Mahai horretan elikagaien segurtasuneko arloan eskumena duten euskal administrazioko zuzendaritza guztiek dute ordezkaritza (Eusko Jaurlaritzaren Nekazaritza eta Abeltzaintza, Arrantza eta Akuikultura, Kalitatea eta Elikagaietako Industriak, Osasun Publikoa eta Kontsumoa Zuzendaritzek; Foru Aldundien Nekazaritza eta Abeltzaintza Sailek eta hiru euskal hiriburuetako toki-korporazioetako Osasun eta Kontsumo Sailek).

Elikagaiek sor ditzaketen arriskuak identifikatu eta ebaluatzen dituen organo aholkulari gisa sortu zen, eta elikagaien segurtasuna kudeatzeko oinarritzat erabiltzen den irizpen zientifikoa ematen du. Batzorde Zientifikoa diziplina anitzeko organoa da, eta elikagai eta pentsuen arriskuekin erlazionatutako ezagutza guztiak hartzen ditu barne.

Momentu jakinetan, beharrezkoa izan daiteke aditu-taldeak eratzea ebaluazio eta/edo egoera-txosten zehatzak egiteko.

Aztertu, baloratu eta sustatu egiten ditu elikakate osoan zehar sar daitezkeen arriskuak desagerrarazi, murriztu edo minimizatu ditzaketen neurriak, produkzio primariotik hasi eta kontsumo-fasera arte. Batzorde horrek elikagaien segurtasunaren arloko kanporako komunikazioa planifikatu eta koordinatu egiten du.

Batzorde horretan elikagaien arriskuen arloko eskumena eta erabakitzeko ahalmena duten Eusko Jaurlaritzaren eta Arabako, Bizkaiko eta Gipuzkoako Foru Aldundien Zuzendaritza guztiak daude ordezkatuta, baita pentsuen eta haien inplikazioen gaineko eskumenak eta erabakitzeko ahalmena dituztenak ere.