EFSAren elikagaietako plagiziden hondakinei buruzko urteko txostenak elikagaien 132.793 laginen emaitzak aurkezten ditu.

Analisi horiek urte anitzeko kontrol programa nazionalen ondoriozkoak dira, eta EBren Kontrol Koordinatuko Programaren datuak ere jasotzen dituzte.

EBren Kontrol Koordinatuko Programa

Programaren barruan, ausazko 13.246 lagin aztertu ziren: azenarioak, azaloreak, kiwiak, tipulak, laranjak, madariak, patatak, leka lehorrak, osoko arroza, zekalea, behi-gibela eta hegazti-koipea (horietako % 99k betetzen zuten EBko legedia).

Aztertutako laginen % 99 legezko mugen barruan zeuden.

Urte anitzeko kontrol-programa nazionala

Urte anitzeko kontrol-programa nazionalek laginketa espezifikoen datuak biltzen dituzte, arrisku-mailan oinarrituta. Kontrol-programa nazional horien esparruan, legediaren betetze-maila % 98koa izan zen.

  • % 70ek ez zuten hondakinen maila neurgarririk.
  • % 28k hondakin bat edo gehiago zituzten baimendutako mailak (hondakinen gehieneko mugak edo HGMak) baino kontzentrazio txikiagoetan edo berdinetan.
  • Laginen % 2k baimendutako mailen gainetik zituzten hondakinak, baina % 1ek soilik ez zuten betetzen araudia, aintzat hartuta ziurgabetasuna neurketan.

Estatuko datuak

2023an 2.492 lagin aztertu ziren, eta lagin horiek 378.428 emaitza eman zituzten. Aztertutako laginen % 1,73k HGMak baino altuagoak ziren plagiziden hondakin-maila handiagoak zituzten.

43 lagin ez-onargarriak izan ziren, 52 analisi ez-onargarri; izan ere, lagin batzuek substantzia batean baino gehiagotan eman zuten positiboa (hala nola, arroz lagin batek positiboa eman zuen tiametoxaman eta triziklazolan).

Haurtxoentzako elikagaien laginetako bakar bat ere ez zen izan ez-onargarria.

‘Frutak eta beste barazki batzuk’ taldean izan ziren emaitza ez-onargarri gehienak, baina esan beharra dago, halaber, aztertutako lagin guztien % 82,83 talde horretakoak zirela. Talde horretako laginetan batez ere klorpirifos hondakinak egiaztatu ziren: 8 emaitza positibo. Talde horretakoak ziren aztertutako lagin eta substantzia gehienak; izan ere, antzemandako 52 plagizidetatik 43 intsektizida organofosforatuen talde horretakoak ziren. ‘Animalia-jatorriko produktuak’ taldeari dagokionez, arrainen bi laginetan hondakinak antzeman ziren. Zerealen taldean, zazpi emaitza positibo aurkitu ziren bost hondakinentzat, besteak beste, diflubenzurona eta triziklazola zenbait laginetan.

The 2023 European Union report on pesticide residues in food
National summary reports on pesticide residue analyses performed in 2023 – Spain (pag 215)