Ministerioak Elikakatearen Kontrol Ofizialerako Plan Nazionalaren (PNCOCA) gauzatze-mailari buruzko txostena argitaratu du, 2018. urteari dagokiona.

PNCOCA da indarreko legeria elikakate osoan zehar betetzen dela bermatzeko estatu-mailan eskumeneko agintaritza ezberdinek egindako kontrol ofizialak (nazionalak, autonomikoak eta tokikoak) deskribatzen dituen dokumentua. Kontrol horiek elikakate osoa hartzen dute barne, ekoizpen primariotik hasi eta azken kontsumitzailearentzako salmenta-puntuetara arte.

Txosten honek 2 atal ditu:

Lehen mailako produkzioan eta elikagaien kalitatearen kontrol ofiziala. Nekazaritza, Arrantza eta Elikadura Ministerioa (MAPA)

2018ko txosten honetan (PNCOCA 2016-2020 programaren hirugarren urteari dagokiona), aurreko planekiko hainbat berritasun daude, hala egiturari nola edukiari dagokienez.

Aldaketarik esanguratsuenetako bat kontrol ofizialak modu independentean tratatzea izan da. Gainera, kontrol-sistema bakoitzean eskuragarri dauden baliabideak eta horiek osatzen dituzten elementuak deskribatu dira, baita sistema horretan integratutako kontrolak ere.

Lehen bloke honetako programen barruan, honako hauek dira ez-betetze maila altuena dutenak:

  • Nekazaritzako Ekoizpen Primarioaren eta Produktu Fitosanitarioen Erabileraren Higienearen Kontrol Ofizialerako Programa Nazionala
  • Erauzte Arrantzaren Lehen Mailako Ekoizpeneko Higienearen Kontrolerako Programa Nazionala
  • Akuikulturaren Lehen Mailako Ekoizpeneko Higienearen Kontrolerako Programa Nazionala
  • Animalien Elikaduraren Kontrolerako Programa Nazionala
  • Giza kontsumora bideratuta ez dauden animalia-jatorriko azpiproduktuak dituzten Establezimenduen eta Garraioaren Kontrolerako Programa Nazionala – SANDACH

Osasun, Kontsumo eta Gizarte Ongizatearen Ministerioaren (MSCBS) esparruko ekoizpen primarioaren osteko faseetako kontrol ofiziala

Guztira 15.552 kontrol ez-programatu egin ziren 2018an autonomia-erkidego guztietan. Horietatik % 57,8 aldekoak izan ziren, eta % 42,2, berriz, kontrakoak.

Arestian aipatutakoaz gain, bereziki aipagarria da kontrol horien barruan badaudela Kontsumo Administrazioek ezusteko kausengatik, adibidez, salaketengatik, egindako kontrol ez-programatuak. Kasu honetan, 2018an autonomia-erkidegoek egin eta jakinarazitako mota horretako kontrolak 493 izan ziren. Horietatik % 44 aldekoak izan ziren ,eta % 56, berriz, kontrakoak.

Informe Anual 2018 Plan Nacional de Control Oficial de la Cadena Alimentaria 2016-2020
2017. urteko PNCOCA txostena ikusi

2018ko urteko txosteneko dokumentu atxikietara sartzeko (ezkerreko botoia), pdf fitxategia deskargatu behar da. Ordenagailuan deskargatu eta gero, txosten eta eranskinak azken orrialdeko banneren bitartez atzi daitezke.