Campylobacter bakterioak urtean 460.000 elikadura-intoxikazio 22.000 ospitaleratu eta 110 hildako eragiten ditu Erresuma Batuan.

FSAk 2008an eginiko azterlan batean (herrialdean saltzen zen oilaskoari buruzkoa) adierazi zen dendetan saltzen ziren oilaskoen % 65 Campylobacter bakterioarekin kutsatuta zegoela.

Horregatik guztiagatik, egiaztatu ondoren oilaskoen kutsadura-indizeak ez direla murriztu 2008az geroztik, FSAk jarduera-plan bat definitu du, bakterio horrek eragindako morbilitatea eta hilkortasuna murrizte aldera. Aurreko datuak aintzat hartuta, honako helburu hauek proposatu dira:

2015rako Helburuak
<100 UFC/g 100-1.000 UFC/g +1000 UFC/g
Aldez aurreko azterlana (2008) % 42 % 31 % 27
Azterlana 2012ko martxotik 2013ko otsailera % 35
Aldaketa nabarmenik gabe		 % 35
Aldaketa nabarmenik gabe		 % 30
Aldaketa nabarmenik gabe
Target 2015 2008aren aldean hobetzea 2008aren aldean hobetzea % 10

Horretarako, honako konpromiso hauek hartu dira:

  • Campylobacter mailei buruz eskura dagoen informazioaren kopurua eta kalitatea hobetzea hornikuntza-kateko aro guztietan, arriskuen kudeaketa eraginkorragoa babestu eta sustatzeko.
  • Campylobacter bakterioaren arriskua murrizteko berrikuntza teknologikoei ezarri ahal zaizkien lege-hesiak erraztea.
  • Tokiko gobernuekin lan egitea, Campylobacterak eragiten dituen arazoen inguruko kontzientzia hartzeko. Bestalde, ziurtatzea oilasko hoztuak darabiltzaten elikadura-enpresek ezagutu egiten dituztela unean dauden arriskuak.
  • Txerto-kanpainei buruzko programen eta epe luzean arazoari heltzeko egin daitezkeen beste esku-hartze batzuen babesa handitzea.
  • Aldaketak sustatzea jokamoldean eta arazoari heltzeko moduan, beharrezkoa balitz, legeak egiteko aukera ere aintzat hartuta.

FSAk espero du industriaren ahaleginaren xedea honako hau izatea:

  • Abeletxeetako biosegurtasun-neurriak hobetzen jarraitzea.
  • Ziurtatzea hiltze- eta prozesatze-aroak eraginkorrak direla kanalen kutsadura saihesteari dagokionez.
  • Sukaldean kutsadura gurutzatua murrizten dituzten ontzi eta bestelako ekimenetan lanean jarraitzea.
  • Ekoizpen-mailako kutsadura murrizten duten esku-hartze berriak sortu eta ezartzea.

FSAren plana: Campylobacter bakterioa Erresuma Batuan