Informazioa Azkar Trukatzeko Sistema Koordinatuaren (SCIRI) 2020ko urteko memoria

2020. urtean zehar, 634 espediente kudeatu dira SCIRIren bidez. Horietatik 357 alertei buruzkoak izan dira, 166 informazioei buruzkoak, 103 elikagaiak mugan ukatzeari buruzkoak eta, azkenik, 8 albiste**.

2017an, izugarri handitu zen jakinarazpenen kopurua; 2018an, zertxobait behera egin zuen; 2019an, berriz, goranzko joerari heldu zion, eta 2020an, behera egin du berriro kopuruak. Gainera, azken lau urteetako kopururik txikienera iritsi da.

Hala ere, 2020an alerta-espedienteen kopuruak % 21,8 egin du gora 2019arekin erkatuz gero.

Aurreko urtearen aldean, % 21 egin du gora landare-jatorriko produktuekin lotutako jakinarazpenen kopuruak.

JAKINARAZPEN KOPURUA

•  % 46 landare-jatorriko produktuei dagozkie
• % 37 animalia-jatorriko produktuei
• % 12 beste produktu batzuei
• % 5 elikagaiekin kontaktuan dauden materialei (EKM)

Animalia-jatorriko produktuen jakinarazpenen kopuruak % 12 egin du behera 2019arekin erkatuz gero, eta, aurreko urteetan bezala, argi eta garbi nabarmentzen dira arrainei eta arrantza-produktuei buruzkoak.

Jakinarazpen gehien eragin zituzten produktuak fruitu lehorrak izan ziren (zereal, irin eta eratorriek; ortuari, barazki eta lekadunek; eta fruta eta eratorriek baino gehiago). Bereziki nabarmentzekoa da etileno oxidoarekin lotutako fruitu lehor eta zerealen, irin eta eratorrien jakinarazpenen kopuruaren gorakada.

Elikadura-osagarriek nabarmentzen jarraitzen dute. Horien jakinarazpenen kopuruak gora egiten du urtez urte: “beste produktu batzuen” jakinarazpenen % 53 eragiten dituzte eta jakinarazpen guztien % 10.

Azpimarratzekoak dira arrisku kimikoen jakinarazpenak (jakinarazpen guztien % 55).

• Arrisku kimikoak: % 55
• Arrisku biologikoak: % 24
• Arrisku fisikoak:  % 5
• Espedienteen % 16 “beste arrisku batzuen” taldean sartu ziren.

Bakterioek eragin zituzten 87 jakinarazpen, hau da, arrisku biologikoekin lotutako jakinarazpen guztien % 71. Bigarren lekuan, birusek eragindako jakinarazpenak daude (% 12).

Lehenik eta behin, fitosanitarioak nabarmentzen dira; izan ere, 138 jakinarazpen eragin zituzten, hau da, guztizkoaren ia % 50; 2019an, berriz, fitosanitarioei buruzko 16 jakinarazpen baino ez ziren izan. Jakinarazpen gehienak (121 jakinarazpen) etileno oxidoak eragin zituen (40 zereal, irin eta eratorrietan; eta 78 fruitu lehorretan).

2020an, 28 jakinarazpen egin dira arrisku fisikoak direla eta.  Aurreko urteetan bezala, landare‑jatorriko produktuetan antzemandako gorputz arrotzak nabarmentzen dira.