Elikagaien Segurtasuneko Europako Agintaritzak (EFSA) zientzia-irizpena argitaratu du, behi-, ardi-, eta txerri-haragia biltegiratu, izoztu eta desizoztu bitartean mikrobioen hazkuntza ebaluatzeko Europako Batzordearen eskaerari erantzuteko.

Honako mikroorganismo patogeno hauek ikertu dira: Salmonela spp., Shiga toxina sortzen duen Escherichia coli, Listeria monocytogenes, Yersinia enterocolitica (txerri-espeziea) eta Clostridium botulinum ez proteolitikoa.

Ondorio nagusiak

  • Egonkortu* eta berehala hutsean ontziratutako haragia 7 ºC-an biltegiratzean, izoztu aurreko baliokidetasun-tartea Salmonellaren arabera zehaztu zen, eta hil eta 5-6 egunez biltegiratuta egon ondoren lortu zen.
  • Haragia 3 ºC-an biltegiratzean, izoztu aurreko baliokidetasun-tartea narriadurazko azido laktikoaren bakterioen arabera zehaztu zen, eta hil eta 29-30 egun igaro ondoren lortu zen. Egoera jakin batzuetan, haragiaren hasierako bakterio-kutsadura handia denean, aurreikusitako baliokidetasun-tarte horietara iritsi baino lehen narriatu daiteke.
  • Haragia ebaluatutako baldintzetan 4 edo 7 ºC-an desizoztean, ez zen bakterio-hazkuntzarik hauteman, edo mugatua izan zen.
  • Desizoztu ondoren 7 egunez haragia 4 ºC-an biltegiratuz gero, bakterio-hazkuntza gehigarria eragin daiteke biltegiratze-baldintzen arabera; hortaz, egoera batzuetan izoztu aurreko tarteak murriztu behar dira ereduzko egoerarekin baliokidetasun-tartea lortzeko.

* Hilketaren ondorengo epea, kanalak edo haragiaren ebakidurak 7 ºC-ko barne-tenperaturara hel daitezen eta haragiaren pH-a egonkortu dadin igaro behar dena. Prozesua hozte bidez egiten da, eta normalean egun batzuk behar dira.

Hurrengo pausoak

Ikerketan lortutako datuetatik abiatuta aurreikusten da izozteko horrelako haragien segurtasun mikrobiologikoari buruzko biltegiratze- edo desizozte-eskakizunak doitu edo baliozkotuko direla Batasuneko araudian.

Microbiological safety of ungulates meat intended to be frozen and defrosting of frozen ungulates meat – 2026