EFSAk beharrezko eskakizun zientifikoak ezartzen ditu genetikoki eraldatuta dauden edo ez dauden mikroorganismoak karakterizatzeko; zehazki, elikakatean erabiliko diren produktu erregulatuak dituzten, halako produktuak ekoizten dituzten edo halako produktuei gehitzen zaizkien mikroorganismoak karakterizatzeko.

Gida hau arriskuak identifikatzeko oinarri gisa sortu da, eta eskakizunak ezartzen ditu halako produktuak Europar Batasunean merkaturatu aurretik eskatzen den arriskuen ebaluazioa egiteko.

Mikroorganismoak karakterizatzeko funtsezko eskakizunak

  1. Mikroorganismoaren identifikazio taxonomiko zehatza egitea.
  2. Mikrobioen aurkako erresistentzia (MAE) ebaluatzea analisi genomikoen eta proba fenotipikoen bidez.
  3. Mikrobioen aurkako substantzien eta toxinen ekoizpena hautematea.
  4. Toxikotasuna eta patogenotasuna ebaluatzea, besteak beste azterketa genetiko eta funtzionalak eginda.
  5. Eraldaketa genetikoak aztertzea, sekuentziazio genomikoa barne.
  6. Azken produktuan zelula bideragarririk, material genetikorik edo substantzia kezkagarririk badagoen aztertzea (adibidez, toxinak, metabolito toxikoak edo mikrobioen aurkako substantzia terapeutikoak).
  7. Ingurumen-arriskua eta ingurumenean duen eragina ebaluatzea, batez ere genetikoki eraldatutako mikroorganismoen kasuan.

Aplikagarritasuna

  1. Bakterioak
  2. Legamiak eta harizpizko onddoak
  3. Mikroalgak eta beste protisto batzuk
  4. Birusak (bakteriofagoak barne).
  5. Zenbait produktu, hala nola agente aktiboak, biomasa, andui ekoizleak eta horien eratorriak.

Espero diren emaitzak

  • Pertsonentzat, animalientzat eta ingurumenarentzat arriskutsuak ez diren mikroorganismoak identifikatzea.
  • Zehaztea mikroorganismo edo produktu jakin batzuk zein baldintzatan izan daitezkeen arriskutsuak zehaztea.
EFSA- Guidance on the characterisation of microorganisms in support of the risk assessment of products used in the food chain