Adituek, esposizioa sakon aztertu ostean, ikusi dute elikagai-gehigarriek % 5etik beherako nitrato-kopurua gehitzen diotela guztizko esposizioari. Horrenbestez, ez dira segurtasun-mugak gainditzen.

EFSAk, gehigarri gisa sartutako nitrato eta nitritoak berriz ebaluatu ostean, honako hau adierazi du:

“...Eskura ditugun ebidentzia zientifikoetan oinarrituta, ondorioztatu dugu ez dagoela beharrik aurrez substantzia horietarako seguru gisa ezarritako mugak aldatzeko…”

Nitratoen IDA = 3,7 miligramo egunean, gorputz-pisuaren kilogramo bakoitzeko
Nitritoen IDA = 0,06 miligramo egunean, gorputz-pisuaren kilogramo bakoitzeko (dena dela, segurtasun-mugak 0,07 miligramoan ezarri dira)

Nitrito- eta nitrato-gatzak (E-249tik E-252ra) gehigarri gisa baimenduta daude EBn, eta haragian, arrainetan eta esnekietan erabiltzen dira bakterioak areagotu ez daitezen (batik bat, botulismoa prebenitzeko). Bestalde, konposatuok gorri mantentzen dute haragia, eta zaporea areagotzen dute.

Era berean, landare batzuek nitrato-kontzentrazioak dituzte berez, eta nitratoa ingurumen-kutsatzaile gisa sar daiteke elikakatean, uraren bitartez batez ere.

Hori dela eta, elikagai-gehigarrietatik, presentzia naturaletik edota ingurumen-kutsatzaileetatik datozen nitratoak guztizko ingestari gehitzen bazaizkio, litekeena da tarteko esposizioa edo esposizio handia duten pertsonek muga horiek gainditzea.

EFSAk ondorioztatu duenez, nitritoak kopuru baimenduen barruan elikagai-gehigarri gisa erabiltzen direnean, ez dute kezkatzeko moduko ondoriorik eragiten osasunean.

EFSA confirms safe levels for nitrites and nitrates added to food