Txosten honetan biltzen dira 2012an zehar mikrobioen aurkako erresistentziari buruz egindako azterlanen datu europarrak.

Emaitzen artean honako hauek aurki daitezke:

Emaitzak gizakien artean

Salmonella

Anpizilinaren, estreptomizinaren, tetraziklinen eta sulfonamiden aurreko erresistentzia-maila handiak atzeman ziren, gizakien artean isolatutako Salmonellan. Bestalde, erresistentzia-maila moderatuak atzeman dira azido nalidixikoari dagokionez.

Medikuntzan garrantzitsuak diren antibiotikoekiko (hala nola, zefotaxima eta ziprofloxazinoa) erresistentzia erlatiboki txikia izan zen (zefotaxima/ziprofloxazinoarekiko ko-erresistentzia oso txikia izan zen).

Serotipoaren arabera, erresistentziak aldatu egin ziren, eta Salmonella enteritidisaren kasuan, ziprofloxazinoaren, gentamizinaren eta azido nalidixikoaren aurreko erresistentzia handiagoa izan zen.

Campylobacter

Gizakien artean isolatutako Campylobacterari dagokionez, anpizilinaren, ziprofloxazinoaren, azido nalidixikoaren eta tetraziklinen aurreko erresistentzia handia izan zen. Alabaina, eritromizinaren aurreko erresistentzia, oro har, txikia izan zen (moderatuki altua C. Colirako).

Oso erresistentzia altua atzeman zen ziprofloxazinoaren aurrean, eta gutxienez C. Coliren sei laginetatik batek ere eritromizinaren aurreko erresistentzia zuen (ziprofloxazinoa/eritromizina ko-erresistentzia).

Horiek dira, mikrobioen aurkako produktuen artean, gizakien artean campylobakteriosia sendatzeko gehien erabiltzen direnak.

Emaitzak animalien artean

Kezkagarria da ziprofloxazinoaren erresistentzia handia edo mikrobioen aurkako produktu honek Salmonellaren, Campylobacteraren eta E. coliren aurrean eraginkortasuna galtzea.

Salmonella

Kontsumitzeko elikagai eta animalien artean isolatutako Salmonella spp.-ren laginetan, ziprofloxazinoaren aurreko erresistentziaren maiztasun handiena honako hauetan atzeman zen: loditzeko indioilarrak, oilasko-haragia, loditzeko indioilarrak eta oilaskoak (% 46,0 eta % 86,2 artean).

Ziprofloxazinoaren aurreko erresistentzia handiagoa izan zen loditzeko oilaskoetan hazteko eta arrautzetarako oiloen artean baino. Bestalde, S. enteritidisari dagokionez erregistratutako erresistentzia handiena azido nalidixikoarena izan zen.

Herrialdeka, maila handienak honako hauetan atzeman ziren, hurrenez hurren: Espainia (% 60,3), Errumania (% 37,0), Frantzia (% 31,79) eta Estonia (% 26,3). Eskortako hegaztietan, txerrietan, behietan eta horien haragietan isolatutako Salmonellaren eta E. coliren laginen artean, sarri agertu zen anpizilinaren, tetraziklinen eta sulfonamiden aurreko erresistentzia.

Bestalde, hirugarren belaunaldiko zefalosporinen aurreko erresistentzia, oro har, baxua izan zen. Indioilar, hegazti eta oilasko-haragietatik eratorritako Salmonellan (fluoro) kinolonen aurreko erresistentzia mikrobiologiko altua/oso altua atzeman zen.

Campylobacter

Ziprofloxazinorako, azido nalidixikorako eta tetraziklinarazko aurkitutako erresistentzia, eskortako hegazti, oilasko-haragi, txerri eta behien Campylobacteraren lagin isolatuetan altuak edo bereziki altuak izan ziren. Eritromizinaren eta gentamizinaren mailak, ordea, askoz ere baxuagoak izan ziren.

12 estatu kidetan 5 antibiotikorekiko erresistentzia zuten bakterioak aurkitu ziren. Herrialde horietako zazpik jakinarazi zuten (Austria, Frantzia, Hungaria, Irlanda, Lituania, Espainia eta Erresuma Batua) mikrobioen aurkako 9 edo 10 produkturen aurreko erresistentzia zuten bakterioak zeudela.

Txostena: Mikrobioen aurreko erresistentzia – EFSA 2014

Infografia: Mikrobioen aurreko erresistentzia