Komunikazio eta gizarte-zientzietako arlo zientifikoek (psikologia eta soziologia, adibidez) beren esperientzia uztartu dute elikagaien arriskuen ebaluazioetan ziurgabetasunak komunikatzeko ikuspegi berri bat ekartzeko. Halaxe azaltzen dute argitaratu berri duten gida batean, EFSAko komunikazio zientifikoko arduradunei zuzendutakoa.

Gida horrek ikuspegi egituratua jasotzen du elikagaien arriskuen ebaluazioetan ziurgabetasunei buruzko informazioa hainbat audientziatara egokitzeko. Era berean, konponbide espezifikoak ematen ditu EFSAko komunikazioko arduradunek aurre egin beharreko benetako egoeren aurrean.

Tresna berritzaile eta praktiko horri esker, bigarren mailako ebidentzia zientifikoarekiko konfiantzan eta arriskuen ebaluazioen ondorio zientifikoetan gardenagoak izateko aukera izango dugu. Gida berriak 2018an argitaratutako ebaluazio zientifikoetako ziurgabetasunen analisiari buruzko gida teknikoa osatzen du. EFSA, pixkanaka, arriskuen ebaluazio eta komunikaziora bideratutako bi dokumentu berri horiek aplikatzen ari da, arriskuen kudeaketarako argitasuna ekarriko dutelakoan.

Honek argi uzten du EFSAk bere lanean gizarte-zientziak integratzen jarraitzen duela, auzi zientifiko konplexuei buruzko komunikazioa indartzeko xedez. Ondorioz, ikerketa-beharren zerrenda handi bat identifikatu da gizarte-zientzien eta kontsumitzaileen jokabideen esparruan.

EFSA Guidance document: communication of uncertainty in scientific assessments (2019)
Guidance on Communication of Uncertainty in Scientific Assessments (2018)