Nahiz eta 2006. urtetik 2073/2005 (EE) Araudiak elikadura-produktuei aplikatu beharreko irizpide mikrobiologiko zorrotzak ezartzen dituen, gizakien listeriosi inbasiboak gora egin du Europar Batasunean 2009-2013 aldian.

2008 eta 2015 artean ere goranzko joera izan zen listeriosiaren hileroko intzidentzia-tasan 75 urtetik gorako biztanleengan eta 25 eta 44 urte arteko emakumeengan (ziurrenik haurdunaldia zela eta).

EFSAk ahalegina egin du kontsumitzeko prest dauden elikagaietan (RTE) L. monocytogenes bidezko kutsadura eta listeriosia eragiten duten faktoreak identifikatzeko, eredu kontzeptual bat erabiliz.

Goranzko joeraren kausa posibleak

Ostalariari loturiko faktoreak

Biztanleria kalteberaren eta adineko pertsonen tamaina.

Azpiko beste baldintzatzaile batzuk.

Elikadura

L. monocytogenesaren prebalentzia RTE elikagaietan erosketa egiteko unean.

L. monocytogenesaren kontzentrazioa RTE elikagaietan erosketa egiteko unean.

Txikizkako salmentaren ondoren elikagaiak gordetzeko baldintzak.

Kontsumitzeko modua.

Zaintza-sistema nazionalak

Anduiaren birulentzia

Arrisku-faktoreak

Hauek dira ziurrenik kasuen goranzko joeraren faktoreak:

Adineko pertsona eta herritar kaltebera gehiago egotea (25-44 urte artekoen taldea izan ezik).

Herritar kalteberen proportzio handiagoa 45 urtetik gorako taldeetan (bi sexuetan).

>2.000 UFC duten kontsumitzeko prest dauden elikagaiak jatea – Eredu kuantitatiboaren arabera, listeriosi inbasiboaren % 90 baino gehiago bakterien kantitate hori duten RTE elikagaiak jateak eragindakoa da.

Bakteria-hazkundea kontsumo-fasean: kasuen herenak aldi horretako bakteria-hazkundeak eragiten ditu.

Gomendioak

  • Kontzientziazio-lana egin behar da, batez ere arrisku-taldeei begira.
  • Metodologia berritzaileak gomendatzen dira, genomaren sekuentziazio osoa (WGS) barne, anduiak identifikatzeko eta joeren jarraipena egiteko.
Listeria monocytogenes contamination of ready-to-eat foods and the risk for human health in the EU