EFSAk eguneratu egin du gizentzeko oilaskoetan Campylobacter bakterioak kontrolatzeko aukerei buruzko bere iritzia. Hain zuzen, adierazi du murriztu egin dela oilasko-haragiari egotz dakiokeen campylobakteriosiarekin lotutako arriskua, kontrol-aukera desberdinak ezarri direlako gizentzeko oilaskoen ekoizpen primarioan. Arrisku erlatiboa zenbatesteko, biztanleriari egotzi ahal zaizkion frakzioak (PAF) erabili ziren esku-hartze guztietarako. Eredu hori erabiltzearen ondorioz, eragin-zenbatespen baxuagoak atera ziren aurreko iritzian (2011n) erabilitako ereduarekin baino.

 

Adituen ezagutza erabili zen kontrol-aukerak sailkatzeko, ebidentzia zientifikoa haztatzeko eta osatzeko eta ziurgabetasunak ebaluatzeko. Hala, kontrol-aukerak ezartzearen eraginkortasuna zenbatetsi zen, eta hauei eman zitzaien lehentasuna:

  • Txertatzea: % 27 (% 90, probabilitate-tarte (PI) honetan: % 4-74)
  • Pentsuentzako eta urarentzako gehigarriak: % 24 (% 90 PI % 4-60)
  • Argaltze etena: % 18 (% 90 PI % 5-65)
  • Ondo prestatutako langile gutxi erabiltzea: % 16 (% 90 PI % 5-45)
  • Ur geldiak pilatzea ahalbidetzen duten edontziak saihestea: % 15 (% 90 PI % 4-53)
  • Edateko urari desinfektatzaileak gehitzea: % 14 (% 90 PI % 3-36)
  • Gelaurre higienikoak: % 12 (% 90 PI % 3-50)
  • Oilategi bakoitzerako tresna espezifikoak: % 7 (% 90 PI % 1-18)

 

EFSAk ondorioztatzen du sailkapen-ordena hori ez dela oso ziurra, probabilitate-tarteak gainjarri egiten baitira. Hori horrela, eta kontuan hartuta ebidentziatik ondorioztatutako zenbatespenak elkarren menpekoak direla, ezin izan dira kuantifikatu arriskua kontrolatzeko jarduera konbinatuen ondorioak.

Update and review of control options for Campylobacter in broilers at primary production